دعوة للتغيير

نفسي اغير من نفسي ...الحياة قصيرة الواحد لازم يعيشها ...انا مش هعيش عمري كله اعمل خاطر للناس واجي علي نفسي ...انا عايزة اعيش حرة ...مش عايزة اعيش تاني مسجونة جوه نفسي ...انا خنقت نفسي بايدي ...سنين ورا سنين وانا بشد الحبل حول رقبتي وانا مش حاسة.... مش عارفة احس بحلاوة الحياة..كل حاجة حواليا حلوة..لكن مش حسة بيها....انا لازم اصارح نفسي انا فعلا غبية !!! مسلوبة الارادة ...ضعيفة لاقصي درجة...وبعدين واخرتها...مش هتنفع الحياة بالشكل ده ...كله كلام ...الطبع لا يغلب التطبع...وهترجع ريما لعادتها القديمة... انا مفتكرش ان في حد في يوم - لا صديقة لا قريب او حتي اخ -جعل لي الاولوية في حاجة علي نفسه في شيء... رغم اني ساعات كتير باجي علي نفسي علشان ما زعلش حد والتمس لهم مليون عذر...دايما كان شعاري في الحياة ماتخسريش حد ماتخليش حد يزعل منك...طيب ما اللي يزعل يزعل ويتفلق كمان ...اذا كان هو اساسا ما عمليش خاطر ليه انا اللي اعمله خاطر...انا نفسي يارب في شوية ثقة بالنفس ...انا عندي درجة ثقتي بنفسي زيرو بالحجم الكبير ومش هقول حتي 1% لا زيرو....طيب ليه هو انا ناقصني ايه ...دي في ناس اقل مني بمئات الدرجات عندهم ثقة في نفسهم 100%...انا لاوحشة ولا جاهلة ولا شايفة فيا حاجة تخليني استخبي من الناس...طيب اعمل ايه ابتدي ازاي ؟؟؟؟؟؟؟؟؟؟؟؟؟؟؟؟؟؟