الأحد، 17 سبتمبر، 2017

يارب يكون اللي جاي احسن من اللي فات

الاثنين، 4 سبتمبر، 2017


هو انا المفروض اعمل ايه.. اكمل ولا امشي.. طيب وبعد ما مشي هعيش ازاي... هبقي سعيدة ولا اكثر تعاسة
هو انا لو كملت هيبقي اسمه الرضا ولا بضيع سنين عمري..  ولو مشيت يبقي قوية وعرفت اخد قرار ولا ابقي انانية.. المشكلة ان حياتي مش لوحدي اولاد مربوطة بيا 
فيه حل اصعب.. اني اقاوم واصمد واحارب واقطع كل صلتي باحلامي التافهة .. بس هل ده هيقربني من الواقع تاني.. 
لازم اتعلم اقول لا بس اقولها في وش مين ..لو قدرت اقولها في وش السراب يبقي ارجع واقولها في وش الحقيقة.. بس لو الاتنين مشيوا هيفضلي مين في الدنيا ديا

الخميس، 31 أغسطس، 2017


مواقع التواصل الاجتماعي لها سحر وجاذبية تفضل تشدك وتسحب من يومك وتسرق من عمرك من غير ماتحس.. الانسان الذكي اللي يعرف يسيطر علي اندفاعه وانجرافه ناحيتها... عاملة زي قعدة القهوة عن الشباب بدل ما يقرا اويطور مهارته ويدور علي شغل يقعد علي القهوة يتسلي ويضيع وقت ... زيها زي المخدر.. بتخلق عالم افتراضي تحب تعيش فيه لكنه مش حقيقي.
نفوق بقي شوية ومانضيعش اللي فاضل في عمرنا هباء.  لازم نستغل الوقت احسن من كدة..الموضوع محتاج شوية تنظيم علي شوية ارادة وعلي حافز قوي وهدف ... بص لنفسك وبص ليهم هم بقوا ايه وانت فضلت مكانك لو مالحقتش اللي جاي هترجع لورا... الحق نفسك عمره ما كان متاخر بس انت ابدأ. 

الخميس، 10 أغسطس، 2017

الحب بيبان في التفاصيل

الأحد، 6 أغسطس، 2017

وجع الدنيا كله يهون الا وجع القلب

السبت، 29 يوليو، 2017

الغربة احساس مش مكان