الثلاثاء، 27 يناير 2009

إذا جاوبت خطأ على هذا السؤال يعني أنك انسان طبيعي مش محتاج طبيب نفسي !!

بنت ماتت أمها وفي أثناء تشييع جنازة الأم قابلت البنت شاب أول مره تشوفه وكان وسيم جدا ووجدت فيه جميع المواصفات اللي كانت تتمناها في فارس أحلامها .
أعجبت هده الفتاة بذلك الشاب وحبته حب شديد لكن المشكلة إن هذه الفتاة لم تتعرف عليه ولم تأخذ عنوانه أو رقم تليفونه و حتى اسمه لم تعرفه..
بدأت البنت تبحث عن أي شيء أو معلومات تدلها عليه.........لكن جميع محاولاتها باءت بالفشل .
وبعد أيام قليله قتلت هذه البنت أختها.؟؟؟؟ !!!!
السؤال.......... في اعتقادك :
ماهو السبب الذي جعل الفتاة تقدم على قتل أختها ؟
فكر كويس قبل ما تشوف الإجابة...
وحاول إنك تكون صادق مع نفسك عشان تعرف انت محتاج طبيب نفسي أو لأ ..
فكروا كويس
انزلوا تحت عشان تشوفوا الإجابة..
الجواب :
^
^
^
^
^
^
^
^
قامت الفتاة بقتل أختها على أمل أن يظهر ذلك الشاب مرة أخرى في جنازة أختها !
إذا جاوبت نفس الإجابة فهذا يدل على إن تفكيرك مثل تفكير المرضى النفسيين اللي عندهم ميول ونزعه للقتل.
هذا الاختبار طبق من قبل أطباء نفسيين على أشخاص كان المراد معرفة هل تفكير هؤلاء الأشخاص تفكير إجرامي أم لا .وطبق هدا الاختبار على مجرمين عده كانوا متهمين بارتكاب مجموعة من الجرائم وقد أجابوا عليه بشكل صحيح
منقول للامانة

هناك 3 تعليقات:

غير معرف يقول...

السلام عليكم

الحمد لله مطلعتش مجنون :D
أنا قولت إن أختها كانت تعرف الشاب ده والبنت اللى قتلت خافت أختها تاخد الشاب منها.

لكن بصراحة اللى مش فاهمه ليه لو الإجابة كانت بدافع إنها يمكن تشوف الشاب إجابة يقولها فقط المرضى والمجرمين؟

فى حين إنها فى كل الحالات قتلت أختها, يعنى عندها نزعة القتل فى أى حال من الأحوال سواء غيرة أو سوء تفكير :)

شريدة في دنيا الاحلام يقول...

عندك حق
بس لو سبب القتل كان لمجرد رؤية حبيبها اعتقد انها غريبة شوية
شكرا اخي علي المرور

غير معرف يقول...

دا انا تانى

مهو برضو لو قتلت أختها بدافع رؤيته تانى يبقى دماغها مهويه مش مجرمة ولا حتى عندها نزعة قتل, لإن التصرف فى حد ذاته ميطلهش من إناس عاقلين!

ثم إيه الدماغ دى, واحده والدتها توفاها ألله, تفكر فى ايه ولا ايه!

أكيد دماغها فيها كيلو كبدة وقوانص!!