واخيرااا.......رحنا النهاردة معرض الكتاب...المعرض اللي بستناه من السنة للسنة....ببقي مش عايزة امشي منه زي العيال لغاية مايشلوني متكسحة.....اشتريت لابني - ذو الاربع سنوات- كتب كتيرة اوووي وانا كمان اشتريت كتب كتير كان نفسي فيها ...وكنت منظمة نفسي في ورقة الكتب اللي عايزاها لمين ومن فين والكلام ده...علشان اريح زوجي العزيز وما يدعيش عليا...بس طبعا زي اي حاجة في مصر ...المعرض غير منظم شوية ده غير ان مفيش استعلامات عن حاجة يعني لو سالت فين صالة كذا او الدار الفلانية ...يكون الرد يا إما معرفش او الفتوي المصرية اللي تخلي الواحد يروح ما يرجعش...
بس اللي ساعدني كتير مدونة احمد الصباغ - انا طبعا معرفوش غير لما عملت سيرش عن المعرض فوجدت المدونة بتاعته- هو عامل في البلوج بتاعه احداث معرض الكتاب والكتب المشاركة للمدونين وبصراحة ده فادني كتير يعني وفر لي 80% من الوقت...جزاه الله كل خير
بس اللي ساعدني كتير مدونة احمد الصباغ - انا طبعا معرفوش غير لما عملت سيرش عن المعرض فوجدت المدونة بتاعته- هو عامل في البلوج بتاعه احداث معرض الكتاب والكتب المشاركة للمدونين وبصراحة ده فادني كتير يعني وفر لي 80% من الوقت...جزاه الله كل خير
عموما الكتب اللي اشتاريتها الغالبية العظمي منها لمدونين اصحاب بلوج زيي كدة يعني مش اي كلام :) او لصحفيين شباب ومنها:
من غلبي ...يوميات مدرس في الارياف..حماتي ملاك....ما فعله العيان بالميت....الحالة ميم ...عالم كلينكس....قصة تكملها انت...ساديزم ...ناثر البخور
ورجال من المريخ ونساء من الزهرة
الكتب اللي كان نفسي الاقيها: الانسان اصله جوافة....عزيزي 999...بني ادم مع وقف التنفيذ...قهوة المصريين..... وقصص قصيرة لبسمة النسور وراوية لهويدا صالح وتفسير القران لكاريمان حمزة ( سيتم الانتهاء من طباعته بعد شهرين باذن الله لدار الشروق الدولية وليست مصر )
وحاجات تانية بس معرفتش اوصل للمكان بسبب ذكاء منظمي المعرض
وحاجات تانية بس معرفتش اوصل للمكان بسبب ذكاء منظمي المعرض
طبعا زي ما انتم عارفين اني عندي وقت كبير للقراءة ههههه مش عارفة هاقراهم امتي واعمل لهم تحليل امتي...بس ربنا المعين
ليست هناك تعليقات:
إرسال تعليق