الثلاثاء، 8 فبراير، 2011

بجد حرام عليكم

بجد حرام عليكم .... اللي في الميدان دول ابطال بجد ... اللي عملوا ثورة اباءنا واجدادنا معملوش زيها ...بينظفوا البلد من الفساد علشان الناس الغلابة في الشارع وعلشان ولادكم انتم يتربوا في جو نضيف مفهوش هواء ملوث ولا اكل مسرطن ولا مفسدين ولا عسكري شرطة يتطنطط عليه ويقرفه ... الناس اللي في الميدان مش هما اللي فتحوا السجون علشان المجرمين يطلعوا علي البيوت يرهبونا ...مش هما السبب في الانفلات الامني وهروب الشرطة وفرض حظر التجول ووقف حال البلد .... الناس اللي في الميدان ناس اولادها واخواتها استشهدوا قدام عينيهم ... جايين دلوقتي تدعوا عليهم تقولوا انهم قاعدين ياكلوا ويشربوا وياخدوا فلوس كمان ... حد منكم نزل ميدان التحرير وشاف الحقيقة
انا مقهورة انهم بجد انهم عملوا ثورة علشان يجيبوا حقوق شعب ما يستهلهاش

ليست هناك تعليقات: