الأربعاء، 9 فبراير، 2011

ازاي ؟ محمد منير (الاغنية التي كانت ممنوعة من العرض)



إزاي ترضيلي حبيبتي
اتمعشق اسمك وانتي
عمالة تزيدي في حيرتي
ومانتيش حاسة بطيبتي ازاي
*****
مش لاقي في عشقك دافع
و لا صدق في حبك شافع
ازاي انا رافع راسك وانتي بتحني في راسي ازاي
*****
انا اقدم شارع فيكي
وامالك م اللي باليكي
انا طفل اتعلق بيكي في وسط السكة وفوتيه
*****
انا لو عاشقك متخير
كان قلبي زمانه اتغير
وحياتك لافضل اغير فيكي لحد ما ترضي عليه
*****
ازاي سيباني في ضعفي
طب ليه مش واقفة في صفي
وانا عشت حياتي بحالها عشان ملمحش في عينيك خوف
*****
وفي بحرك ولا في برك
ازاي احميلك ضهرك
وانا ضهري في اخر الليل دايما بيبات محني ومكشوف
******
انا اقدم شارع فيكي
وامالك م اللي باليكي
انا طفل اتعلق بيكي في وسط السكة وفوتيه
*****
انا لو عاشقك متخير
كان قلبي زمانه اتغير
وحياتك لافضل اغير فيكي لحد ما ترضي عليه
*******
وازاي ترضيلي حبيبتي؟

ليست هناك تعليقات: