الثلاثاء، 17 مارس 2009

حقا.....انها من اكثر القصص التي اثرت في

كانت ليله بارده ما يعكرهدوءها الا ريحه المطهر اللي يميز المستشفيات
بالرغم من انني لم اكن اشعر باي الم الا اني كنت اتقلب على سريري خايفه من بكره معرفش ليه. ابتسمت وانا اتذكر زوجي كان يقول لاتخافين يالعنود الطب تطور وساطوف بك العالم حتي تشفين لا تخافين انا معك ... ابتسمت وانا اتذكر كلامه والخوف اللي بنظراته وهو يحاول يطمني ... امي يا حبيبتي طول الليل كانت تصلي وكل مافتحت عيوني سمعت صوت همساتها تدعي لي ووتتضرع لله .. يا حبيبتي يا امي ويا لعيونك اللي مورمه من البكا .. بالرغم من اني مااشوفها وهي تبكي... اشياء كثيره تغيرت هالايام.... زواري كلهم تغيروا ماعاد يجيني احد من سني لا ماعاد اشوف الا كبار العائلة اللي يتصفون بالدين والعقل .... شي غريب ماادري ايه سببه حتى الاحاديث اللي تطرح في غرفتي كلها عن قوه الايمان والصبر.. وماعاد احد يذكر لي الامل في الشفاء ولا اخبار بنت عمي ولدت مادريت الا بالصدفه سمعت وحده تبارك لامها في زيارتي .. ايه اللي بيحصل ؟؟؟؟ والله شكيت انهم يعرفون عني شي انا مااعرفه يعني يمكن الطبيب قال في حالتي شي .؟؟؟ بس طردت وساوسي بحجه ان الطب تطور والطبيب شكله مطمن على وزوجي يقول اني ابشفى اكيد
بامر الله
قطع صوت امي حبل افكاري وهي تناديني العنود قومي وانا امك صلي .... ابتسمت وانا اتذكر كيف امي تغيرت ..... امي اول من كثر حبها لي في البرد اذا اذن الفجر تهمس في اذني اني اصلي وكنها ودها اني مااسمعها واذا ماقمت تعيمت عني وسكتت .. وابعدت وهي تدعي ان الله يهديني... غريبه من بدايه مرضي وهي حريصه على صلاتي تقومني بصوت حزين مستسلم.... ابتسمت وقلتلها انا قايمه يا امي...تنهدت وقالت الله يشفيك يابنيتي .... قلت يا امي ليه انتي حزينه ...ترى انا طيبه والله مافيني الا العافيه بالذات اليوم .... و....طلعت امي وانا اكلمها وتركتني .استغربت ...وسكت..... وقمت اصلي .... يوم سلمت وقبل لااقوم عن سجادتي الا باب الغرفه يدق !!!
الفجر؟؟ من جاي هالوقت شفت اخوي الكبير محمد يطل من الباب ابتسامته تنور وجهه الملتحي بس ابتسامه كلها حزن .... قال كيف حالك يالغاليه ..اليوم ... وسلم على امي وانحنى يسلم على يدها قلت الحمد لله بخير اليوم انا طيبه واظنهم اليوم بيطلعوني ...عندي احساس ... الغريب بالرغم من اني كنت ابغي افرحه الا انه التفت عني وراح للشباك وفتحه ووقف عنده شوي وهو يتنفس بعمق ويذكر الله ... وكأنه يحاول يطرد الشيطان ... بعدين قال بدون مايرفع عينه من الارض...ودي اغير اتجاه سريرك ياالعنود .... وقبل لاارد حرك السرير وخلاه من جهه القبله ... ...ابتسمت قلت لييه؟؟؟؟؟؟
قال وهو مارفع عينه من الارض وبصوت مرتعش افضل علشان اذا دعيتي الله تكونين مواجهه للقبله ....
قلت وانا اضحك : محمد اخاف ذي بدعه انتبه ....
ولاردعلي حط مصحف جنب سريري وخرج وتركني ولحقته امي وانا ابتسمت وانا اتذكر المناقشات الحاده اللي كانت تدور بينا في امور الدين كان دايم ينصحني ويوعظني وانا بالرغم من اني احترمه الا اني كنت اناقشه في اي فكره يقولها واقول اللي في خاطري وهو كان متقبل للمناقشه ويرد برحابه صدر
رجعت لسريري وتمددت عليه فعلا هالمكان احسن من الاول هنا اقدر اشوف الحديقه اللي برا واشوف العصافير تغرد في الصبح تذكرت شباك غرفه بنتي ساره اكيد العصافير متجمعها عنده الحين ياما ازعجتني اصوات تغريدها وفتحت الشباك علشان افرقها لاتقوم حبيبتي ساره وترتاع ... يوه وينك ياساره بكره بتنامين في حضني باذن الله واعوضك عن الايام اللي قضيتها بعيده عنك في المستشفى ... بكره اشم ريحتك ياعمري
دخلت امي قلت يا امي ساره تراها الايام الاخيره يجيها كوابيس عساك وصيتي نوره تكون جنبها لاتفارقها لو دقيقه في الليل حتي اجي.. قالت امي ماعليك انتي ساره مرتاحه فكري بنفسك بس .... تمددت على سريري وانا اطالع الساعه على الحائط الدكتور بيجي الساعه 10 وابقوله اني ابطلع خلاص ماله داعي اربك اهلي وزوجي اكثر من كذا خاصه اخوي ماجد قرب عرسه وسحبت مجله ازياء وفتحت على صفحه الموديل اللي اخترته لزواج اخوي ماجد .... واتخيلت شكلي وانا لابسته يوووه ابقهر كثير من البنات اللي ينافسوني في العائلة ...ابكسر عينهم وقعدت افكر كيف اقنع الخياطه علشان توافق تخيطه بسرعه وغفيت .....وقمت على صوت اخوي محمد يقرا قران عند راسي وفتحت اعيوني وابتسمت له قلت: محمد مابعد رحت البيت ؟؟؟ يوه وعملك ؟؟؟؟؟ مارد علي وكمل قرايه حتي ختم السوره ... وهذا ابو ساره زوجي الحبيب اللي مسك يدي وقال وهو يبتسم بحنان هاه العنود عساك ماحسيتي بشي ....استغربت من سؤاله قلت لااانا ياخالد طيبه مافيني الا العافيه وودي اطلع الصراحه .... قال الله يشفيك وابعد عني بسرعه لااشوف دموعه .... وفي هاللحظه سمعنا دقات على الباب ودخلت الممرضه لتعلن وصول الطبيب وفي هاللحظه زوجي قفز من مكانه كانه مقروص وخرج بسرعه واحد يبغي يهرب اما انا فرحت قلت للممرضه بحماس خليه يدخل انا جاهزه ودخل الطبيب طبيبي يشبه اخوي محمد كثير مسلم ملتزم ملتحي ومحترم مااذكر مره انه رفع عينه في عيني الا للضروره .... وانا استحي منه مره بس اثق فيه واعتبره زي اخوي .... قال هاه كيف حالك يالعنود ... قلت الحمد لله يادكتور انا اليوم افضل يوم لي من بدايه مرضي وابي اطلع خلاص اشتقت لبيتي اخوي في هاللحظه طلع بسرعه وامي لحقته وتركوني الحالي مع الطبيب والممرضه الظاهر كانوا يتوقعون انفجار لغم ...
قال الطبيب بوجه جامد مافيه من الاحساس ذره وكأنه مو هو اللي يتكلم الا كانه يحكي بلغه هو نفسه مايعرفها
قال العنود انا ابكتبلك خروج ..
ونور وجهي بابتسامه وانا ادس يديني تحت الغطاء لايشوفها الطبيب وكمل الطبيب كلامه بوجه جامد العنود انتي وحده مؤمنه واكيد عارفه ان الموت حق .... وسكت.................تسارعت انفاسي وانا اقول ايه كمل يادكتور قال : حالتك ميؤس منها .... وابطلعك علشان تقضين اخر ايامك في المكان اللي تحبينه ... . . ورجع لصمته . . وسكت .....الطبيب.. وسكت كل شي في الغرفه بس انا ماعاد اسمع الا صوت انفاسي وصوت اكوااام الامل اللي انهدت في قلبي ...... ومن الصدمه رميت غطائي بعيد وقمت بحماس. وكأني ادافع عن حياتي وكأن الطبيب هو اللي يبغي يسلبها مني وانحنيت ولاول مره احط عيني في عين طبيبي اللي مارفعها عن الارض وقلت بحماس
دكتور... لاتقول كذا انا طيبه دكتور..... ايه هذا الكلام ...دكتووور كيف الطب يعجز عن حالتي انا ...انا .. اصلا ابوساره قال انه بيلف بي العالم كيف المرض ينتصر على شبابي وحيوتي انا اقوى منه اكيد
قال يالعنود الموت والحياه بيد الله والطب وسيله وماادري يمكن يبقالك ساعات او ايام او اسابيع بس حالتك يالعنود ماعاد نقدر نسيطر عليها ..... . وسكت .... .
وقبل لايطلع قال وكانه يبغي يخفف عني وابعطيك اقوي المهدئات ولا رح تحسين بالم في باقي ايامك ان شاء الله ... حسيت ساعتها اني مجوفه فاضيه من الداخل حسيت الدنيا سودا حوليني وبدت تتضح لي صور من بعيد في مخيلتي اول صوره شفتها كانت صوره ساره بنتي وهي تضحك وعمرها شهور ... وبعدين شفت صوره زواجي وانا لابسه ابيض ووزوجي ماسك يدي بفخر .... وهذي امي وهذي زميلتي في المدرسه شفتها مع اني من بدايه الصيف ماقابلتها ولاكلمتها ... وهذه عصافير غرفه ساره .... واخر صوره شفتها قبل لاافوق كانت فستان زواج ماجد اللي اخترته من مجله الازياء .... حسيت باختناق وضيق... هذا حضن امي اللي دخلت علي وضمتني وابعدها عني بقوه وقاومت علشان اتخلص من حضنها وسمعت صوت زوجي يكلم الطبيب عند الباب طالعت امي بعصبيه وقلت يا امي ماابغي اشوف خالد ... كانت رغباتي اوامر في ذيك الساعه ركضت امي وردته من عند الباب .. ماكنت ابغي اشوفه كنت متاكده اني مارح اتحمل شوفته هو بالذات حسيت انه بيذكرني بايام الرخا وانا الحين في شده وينكم يااهلي بس ما ابغي غيركم مابكيت ولانزلت مني ولا دمعه وكأن الخبر كان فوق مستوى البكا بالعكس تحمست وقلت يالله ابطلع ...
اكملت اجراءات خروجي وقبل ما اطلع جت المريضه اللي بتاخذ غرفتي طالعت عيونها فيها بريق امل تختلف تماما عن نظرتي انا كانت نظرتي ميته عميقه مالها لمعه ... سبحان الله للامل بريق في العيون .... وطلعت قلت لاخوي محمد ماابغي بيتي ابي اروح لغرفتي قبل ما اعرف خالد .... وفعلا اخوي نفذ اوامري كان رايح لبيت اهلي ... ونزلت ودخلت البيت بس مالقيت في استقبالي الا خواتي الكبار والبيت كانهم اخلوه لي هذا بيت اهلي العامر اللي الكل داخل طالع الحين هادي كانه مقبره؟؟؟؟
رحت لغرفتي ورميت عبايتي كنت ناويه اتحمم واغير ملابسي واستعد علشان اضم ساره لصدري بس الحين... غيرت رايي ماابغي اشوف ساره ماابغي اشعر انها معتمده علي في شي ابغي اوكل امرها لله ..... ونعم بالله اخليها في وداعه الرحمن ومن يحفظ الودائع مثل الله .... دخلت امي وهمست بصوت واطي قالت العنود وش تبين تاكلين ؟؟؟؟ قلت ولاشي ...قلتها بحزم وقوه امي ماابغي شي 0000000 امي الاول كانت دايما تتابع اكلي وتجبرني اني اكل حتى بعد ماتزوجت كانت تحرجني عند زوجي اللي كان يضحك من حرصها على اكلي وكأني طفله... بس اليوم ولاول مره احترمت رغبتي وسكتت وكانها تقول ماله داعي الاكل مادام اخرته للدود
قالت يابنيتي زوجك يبغي يشوفك قلت .. .بصوت عالي وكاني اكلمهم من العالم الاخر لا ماابغي اشوفه ... وطلعت ورجعت مره ثانيه قالت ترى خالد يقول اذا وافقتي تشوفينه هو ينتظر في المجلس مع اخوك .... بس انا قررت اني مااعذب احد واني اقضي اخر اوقاتي الحالي قلت يا امي روحي ان بغيتك ناديتك ... قالت ابقعد عندك اوسع صدرك ...قلت يا امي ماني فاضيه ووقتي قصير طلعت وانا اتذكر الوقت اللي كنت اضيعه في امور تافهه مثلا مجله الازياء اللي اخترت موديل زواج ماجد منها ... جلست في المكتبه ساعتين علشان اختارها واشتريها والحين تركتها في المستشفى ونسيت رقم الصفحه ومارح البس الفستان ابدا... يالله ياوقتي اتاريك كنت غالي الحين عندي اشياء كثيره ابغي اسويها بس ماعرفت زي الطالب اذا اعلن المدرس انه باقي له عشر دقايق من وقت الامتحان وهو مابعد كتب في الورقه شي بيسلم ورقته قبل العشر الدقايق ماتنتهي لانه رح يتوه بين الاسئله وانا هذا شعوري ... ابدا بايه ولا ايه .... جلست افكر شوي وطلعت ورقه وقلم قلت ابكتب وصيه....... وصيه....؟؟؟؟ زي الافلام اللي كنت اتابعها ياما سهرت اطالع ناس (اظنهم) اردى خلق الله وهم يفتعلون حكايات تافهه مالها بالواقع صله ... ياخساره ذاك الوقت كان ربي نازل في السماء يقول هل من مستغفر فاغفر له ...هل من داعي فاجيبه..... ياخساره ليتني قمت وصليت ودعيت ان الله يخليني لساره وابوها .... ياليتني على الاقل رحت لساره وضميتها لصدري ...... وفجاه رميت الورقه والقلم وقمت ...وفتحت الدولاب وطلعت فستان حرير كان خالد يحب يشوفه علي.... ...ولبسته ولبست جزمه مناسبه ... وفكيت شعري وطلعت دهن العود وحطيته على شعري ووقفت قدام المرايه وتاملت صورتي.... يالله كم باقي من الوقت ويندس هالجمال في التراب كم باقي من الوقت وتمشي الحشرات على هالخد النظر ... كنت اعتني بجسمي حمامات زيت وكريمات واكافح التجاعيد بس ليتني وصلت لسن التجاعيد ... خساره الوقت الممل اللي قضيته وانا اوزع شرائح الخيار على وجهي ياخساره ليتني رحت قريت سوره من القران ولا لعبت مع ساره حبيبتي قبل ما تفقدني وقفت وطالعت جسمي هالجسم الممشوق بيتمدد في القبر بعد ساعات... ياترى ضلوعي هذي بتلتقي بضمه القبر ... ياترى رقبتي اللي ياما رفعت راسي لفوق بتنحني على صدري ولا بتغل الى رجولي .... وتذكرت كيف اصريت اني انضم لنادي وكيف احتلت على ابوساره واستخدمت جميع الوسائل حتي سحبت منه الموافقه سحب بالرغم من انه ماكان موافق من قلبه .. وكان كاره ويقول هالوقت انا اولى به يالعنود . بس لا زواج ماجد قرب وكنت ناويه اكون فتنه الحفل فيه ....والحين الله ينجيني من فتنه الممات .. طلعت علبه مجوهراتي ومسكت خاتم كبير اشتريته ايام زواجي كانت في الخاتم نقوش تفحصت النقش وطرا على بالي تري ياهل ترى انا كنت ازكي عن هالذهب ولا ..لا.. اظن ابوساره كان يزكي عن ذهبي اظن بس ماني متاكده ماقد سالته ابد ..... وتفحصت النقش مره ثانيه وفركت جبهتي وانا اتسال ياتري هالرسوم بتطبع في جبهتي واكوى بها ولا بينجيني الله .؟؟؟ تاملات غريبه طرأت على بالي ....ومشى الوقت بسرعه وانا بين ادويتي المهدئه وبين صلواتي وقراني ....... في الليلي طلعت من الغرفه ولقيت سجاده امي عند الباب... امي مانامت تصلي وتدعي وجلست عندها والتفتت علي.... نظراتها تجمع فيها حنان امهات الدنيا كلها نظرتها نفس نظرتها لي يوم كنت طفله .. قالت تبغين شي يابنيتي؟ قلت يا امي ابغي رضاك ..وانفجرت تبكي بكت ...بكت.... وانا تحجرت الدموع في عيوني ولا دمعه هليتها وانتظرت حتي هدت وقالت انا راضيه عنك يابنتي .. والله انك من بين اخوانك كلهم اقل وحده تعبتني في الحمل والولاده والتربيه.. انا راضيه عنك يابنتي والله يرضى عنك باذن الله... تنهدت براحه وقمت من عندها ومشيت لمحت اختي طالعه من الغرفه اختي من اسبوع ماشفتها بس غطت وجهها بيدها وكأنها شايفه شبح ودخلت لغرفتها بسرعه .. ومشيت كنت ادور في البيت مثل مومياء اعدوها لتابوتها امشي ببطء كل اهل البيت سهرانين ..... وش هالليله الغريبه كل واحد ماخذ له زاويه وجالس الحاله هالليله تشبه ليله السفر صح هي فعلا ليله سفر وتذكرت كيف كنت اقلق في كل ليله سفر ولا انام صحيح ان سفري كان سياحه الا اني اتقلب في فراشي وكل شوي اروح اتاكد ان اغراضي جاهزه ... يووه اليوم سفرتي غير..... سفرتي مافيها رجعه ومفاجأه وماني مستعده لها ابد ..... مشيت على صوت ترتيل اخوي محمد للقران كنت اتبع الصوت حتي دخلت عليه محمد ااعز اخواني على قلبي... ماانسى اول ايام التزامه كيف كانوا اهلي يعلقون عليه بحجه انه متشدد .. وكنت اشجعه اعرف ان هذا صالحه دنيا واخره وقلتله يصبر عليهم ويحتسب ووهو الربحان في الاخير .... وفعلا بدأ يجني ثمار صبره والحين الكل يثق فيه وياخذ شورته... جلست جنبه وهو يقرا تغيرت نبره صوته وقت ما دخلت وبدات تتذبذب وباين كيف كان يكافح علشان يثبتها في مستوى واحد وارتفع صوته علشان يسيطر على ضعفه وانهى السوره والتفت علي ... قلت محمد .....وش انا مقبله عليه .... ابتسم بحماس ودموعه تهل وقعد يحكيلي عن رحمه الله وهو محافظ على ابتسامته الطيبه بالرغم من دموعه وحكالي كيف ان الله رحيم بعباده وانه احن عليهم من الام على ولدها .... قلت محمد كيف الموت؟؟؟؟ قال ***** الله بيكون سهل كــ..... وقاطعته وقلت محمد وش البرزخ؟؟؟؟؟ كنت افكر بصوت عالي وابغي احد يسمعني بس قال البرزخ هي الحياه بين الدنيا والاخره و.... قلت محمد كيف بيكون حالي فيها...اذا مادعيتو لي ؟؟؟؟؟ ورفع يديه للسماء واجتهد بالدعا وانا طلعت من عنده وبدون لااشعر ساقتني رجليني للمجلس كنت ابي اعرف ابو ساره هناك ولا راح ينام على سريره اللي اعرف انه مايرتاح الا عليه وجاء في بالي فكره
ياترى بيتزوج بعدي؟؟؟؟ اكيد انا اعرف ابو ساره مايحب الوحده ...ياخســـــــاره دخلت المجلس ورفع راسه لي تمنيت اني مالقيته ..... وتراجعت وناداني قال العنود تعالي ياحبي الاول والاخير وبكى ساعتها بس بكيت... انا كنت عارفه اني مارح اتحمل شوفته هو بالذات .... قلت مالك عندي شي ياخالد خلاص الموت بيخطفني منك اليوم يمكن اشوفك في الجنه كاننا من اهلها باذن الله قال باذن الله انك من اهلها انا راضي عنك ياساره ومن ماتت وزوجها عنها راض دخلت الجنه .....
قلت بس انا كنت مقصره معك كثير .. قال بالعكس حياتي معك كانت حلم جميل ماتمنيت اني افيق منه يالعنود ... كل شي معك كان له طعم حتى زعلك ودموعك وغضبك كنت في جنه يالعنود وكنت متاكد انها مارح تستمر السعاده اللي كنت فيها.... وقام وقف ورفع يده بحماس وقال العنوووود والله ماانساااك.... وحرك يده بقوه وصرخ: والله العظيم ماتغيبين عن بالي.... وهو يحلف انا كنت اتخيله وهو ماسك يد عروسه الجديده ويطالعها بفرح وهي تبادله النظرات ... خساره كان زوج نموذجي وكنت احبه خساره الله يخلفه علي .... وقمت طلعت وكملت رحلتي الكئيبه... هالمره وقفت عند الباب اللي ساره تنام وراه وقفت وانا احاول ابلع عبرتي ترددت ادخل ولا لا ... ساره كانت متعلقه فيي كثير اول ايام مرضي كانت تبكي طول الليل تبغيني بس في الاخير رضخت للظروف وتعلمت كيف تنام بعيد عن حضني ... حاولت اني ماادخل علشان خاطرها ليش اقلب مواجعها بس حسيت اني اذا ماشفتها بتتحول اخر ساعاتي الى ثواني ولاول مره اتصرف بانانيه وافتح الباب وادخل كانت اختي نوره تنام جنبها على الارض.... وجلست وانحنيت على ساره وشميتها .... ياحبيبتي ياساره.... وحست اختي نوره فيني وقامت مرتاعه وقالت: العنود؟؟؟ نوره ماشفتها من كم اسبوع بس ماسلمت عليها... كنت اودع العالم وماني فاضيه اسلم قلت نوره انا ابنام جنب ساره اليوم وبعدت وهي متردده ... وتمددت جنب ساره وضميتها وبكيت والتفت على نوره قلت نوره تراني كان ودي اشوف ساره وهي تكبر كنت اتمنى اشوفها عروس قوليلها في يوم زواجها يانوره .... الله يخليك كنت ابغيهم يذكروني ويترحمون علي بس في ذاك اليوم ولاّ ساره مااظن انها بتهل دمعتها علي لانها ماعرفتني كويس... تذكرت حديث الرسول ان الابن الصالح ينفع والديه... والتفت على ساره ودي اصب عليها التربيه كلها في هذه الساعه كنت ابغيها تطلع صالحه..... وتمددت جنببها وماادري كم من الوقت مر ..... ولاول مره اسمع صوت اذان الفجر ولااقدر اتحرك ... احس رجولي مكبله كاني في كابوس عيني ثابته على سقف الغرفه ..... حاولت اتحرك ماقدرت وصورة ساره في عيوني وهي نايمه كنت ابغي اضمها ثانيه ماشبعت منها اغيب عن الوعي واصحى ثانيه شفت العالم يصرخون حوليني غرفه بنتي الهاديه امتلت بالناس اللي يبكون هذي امي وهذا اخوي محمد وهذا زوجي وهذا واحد مااعرفه اظنه طبيب
جسمي الغض كان متشنج والتفت سيقاني ببعض كنت ابي ابكي استغيث بس مااقدر اتحرك قلبني الطبيب يمين ويسار كأني خرقه بين يديه وكلم اهلي وسمعت صوت بكا شديد ... واخر شي تذكرته كان ...ابيات شعريه مااحفظها زين تقول
ولدتك امك يابن ادم باكيا ....................والناس حولك يضحكون سرورا .
فاعمل ان تكون اذا بكوا ....................في يوم موتك ضاحكا مسرورا.
وهنا حسيت بقبله رطبه على خدي.... وفتحت عيوني لقيت وجه قريب من وجهي وابتسامه جميلة... ساره...هذي ساره بنتي ضميتها وبكيت....بكيت .... ماذا يحدث انا فين ؟؟؟
وسمعت صوت خالد من دوره المياه وهو يغسل ويقول :العنود ايه اللي فيك رجعتلك كوابيسك مره ثانيه؟؟
تعوذي من الشيطان وقومي يالله انا الغيت كل مواعيدي علشان اوديك للخياطه ... وحمدت الله ان هذا كان حلم واني الى الان اقدر اضم ساره ... قلت لا ماابغي اروح للخياطه ماابغي اترككم ياخالد طلع من دوره المياه وهو مبتسم بتعجب وقال وزواج ماجد ؟؟؟؟ قلت عندي فستان عادي البسه.....وابتسم وكانه مش مصدق كلامي وفتحت الشباك وشفت العصافير ..واستنشقت هواء نقي وحمدت الله ان هذه الليله الرهيبه كانت حلم...... بس حلم ممكن يصير من يضمن حياته ؟؟؟ وقررت اني استعد لها من اليوم...... مثل ماقال الشاعر
لولا الهرم و الفقر و الثالث الـموت .................
يا لادم بالكون ياعظم شانــك سخّرت ذرات الهوا تفهم صوت.............
و خليتها اطوع من تحرك بنانك جماد تكلمها وهي وسط تابـــوت ............................
تا خذ و تعطي ما صدر من بيانك وعزمت من فوق القمر تبني بيوت ..............................
من يقهرك لوهو طويل زمانـك لولا الثلاث وشان من قدر الفـوت ...................
أعجبتني وأثرت بي فاحببت ان تقرؤها الله يجمعنا في جنة الفردوس
منقول

هناك تعليقان (2):

غير معرف يقول...

السلام عليكم
ماشاء الله, قصة جميلة جدااااااااااا
انا قرأتها على عدة مرات لطولها وقصر الوقت ولكن كنت متلهف فى كل مرة أرجع لها وأكلمها!

سلمت يداك وعافانا الله وإياك وكاتب القصة من كل شر وضيق القبر وعذابه, آمين آمين آمين.

شريدة في دنيا الاحلام يقول...

اللهم امين يارب
وشكرا علي الدعاء إياك وإيانا باذن الله