ما تعرفش ليه

ما تعرفش ليه ..
في وقت اما بحتاج حد جنبي اشتكيله
بتبقى انت اول حد ييجي فبالي اجيله
وتبقى انت اول حد افضفض يومها ليه

ما تعرفش ليه ..
في وقت اما اشوفك يومها بجري عليك قوام
وانا معاك بحب كتير اطول في الكلام
واخد راحتي واحكي في اللي نفسي احكي فيه

لو ابصلك ما بشيلش عيني من عليك
واول بأول كل حاجه بقولها ليك
وليه بس صوتي بيحلا لما بيناديك
وليه بس اسمي بيحلا لو تندهني بيه

ما تعرفش ليه ..
بحس انك انت اللي بقيت مسؤوله منه
واحس انك انت اللي انا مسؤوله عنه
واحس اني فيك شايفه اللي انا بدور عليه

ما تعرفش ليه ..
انا ازاي بقيت ما بخافش وجريئه فهواك
وبقدر على اللي ما بيتقدرش عليه معاك
ولو كان دا مش حب انت قوللي دا يبقى ايه ..؟؟