كيف تحصل على كوباية ماية ساقعة
الأدوات المطلوبة
- كوباية فاضية
- ثلاجة . وطالما قولنا تلاجة يبقي اكيد فيها إزازة ماية على الاقل
الطريقة
وحياة ابوك ...... قوم من مكانك ...... و امشي بثبات و ثقة وإصرار لحد باب التلاجة
ارفع ايدك شوية صغيرين بحكمة وتعقل لحد ما تلمس باب التلاجة . شده .. معلش هنتعب جنابك ....
واااااااااااو .. مبروك .... الباب اتفتح معاك .. انت من سعداء الحظ
ارمي عينك كده علي الرف بتاع أزايز الماية الي في التلاجة
انحناءه بسيطة .. ممكن تاخد نفس عميق قبل التنفيذ لسهولة وتيسير المأمورية
مد ايدك الكريمة ... ايوا .. برااااافو .. شيل الإزازة . يحيمك لشبابك
..
اقفل التلاجة من فضلك . بس اقفلها بالايد الي مش شايل بيها الزجاجة
اتجه ناحية الكوباية ... انا عارفة طولت عليك . معلش . كل شئ في أوله صعب
افتح يالا بقي الغطا و صب في الكباية ...
ممكن تسيب الإزازة بره علي فكرة مش لازم ترجع تاني للتلاجة . تاكسي رايح و تاكسي جاي علي ايه ...
سيبها مراتك تشيلها بعدين
تحب اقولك تتشرب ازاي ..
صحة وعافية علي قلبك يا اخوووويا
يا رب صبرناااااااااا
(منقول)
